Wednesday, March 18, 2009

ഗജരാജന്‍


കൊമ്പു കുലുക്കി വരുന്നുണ്ട്
കൊമ്പന്‍
നമ്മുടെ വമ്പന്‍ ....
കാടും
മലയും താണ്ടി വരുന്നൊരു
കുട്ടിക്കൊമ്പന്‍
ഗജരാജന്‍ .....
വലിയൊരു
കൊമ്പും തുമ്പിക്കയ്യും
ചെവിയും ആട്ടി വരുന്നുണ്ട്
കൊമ്പന്‍
നമ്മുടെ വമ്പന്‍ ....
കറുത്ത
നിറവും വെളുത്ത കൊമ്പും
കൊമ്പന്‍ ആളൊരു വമ്പന്‍ ......

സൂര്യ മഹേശ്വരി .ടി.
ബി
.ടി.എം.യു.പി.സ്കൂള്‍ പെരുമുക്ക്

കേരളം


കേരം തിങ്ങും നാട്,
കൊച്ചു മരതക നാട്
ചേലെഴും പൂവുള്ള നാട്
പൂഞ്ചോലകളുടെ നാട്
പൂത്തിരി വര്‍ണ്ണം പടരും നാട്
പുത്തരിക്കണ്ടങ്ങളുള്ള നാട്
മാനും മയിലും നിറഞ്ഞ നാട്
മധുര സ്വപ്‌നങ്ങള്‍ വിടരും നാട്
നമ്മള്‍ മലയാളികളുടെ ജന്മനാട് ......
ആരതി .പി.എം
4th Std
ജി
. എല്‍. പി. സ്കൂള്‍ ആലങ്കോട്

Sunday, March 15, 2009

അമ്മക്കിളി ......


കര്‍ണ്ണികാരം പൂത്തപ്പോള്‍
എന്‍ ഉണ്ണിയെ കണ്ടപ്പോള്‍
എന്‍ മനം നിറഞ്ഞപ്പോള്‍
കണ്ണനുണ്ണി ചിരിച്ചപ്പോള്‍
നീലവാര്‍്മുകിലോ
പനിനീര്‍പ്പൂവോ
നിലാവുദിച്ച ചന്ദിരനോ
മുരളിയൂതും മാധവനോ
കണ്ടിട്ടും കണ്ടിട്ടും മതിവരില്ലായെന്‍്
പൊന്നുണ്ണിയെ കണ്ടിട്ട്
കത്തിച്ചു വെച്ചൊരു കല്‍വിളക്കിന്റെ
ശോഭപോലുള്ളൊരുണ്ണിയാണ്.
ആതിരരാവിലെയമ്പിളിയോ
കണ്ണനുണ്ണി നിന്നഴക്‌
മലരുപോലുള്ള ചിരിയാണ്
തേച്ചു മിനുക്കിയ നിറമാണ്‌
സ്നേഹവാത്സല്യമുള്ളൊരു
അമ്മക്കിളിയുടെ മനസ്സാണ് .....
എന്‍.ഷിജിന്‍
വിദ്യാപീഠം.യു.പി‌.എസ്.കാലടി

പ്രതിബിംബങ്ങള്‍

നിന്നില്‍ ഞാന്‍ എന്നെ കണ്ടിരുന്നു
ചിലപ്പോള്‍ കരിമഷിക്കറുപ്പ്
പടര്‍്ന്നിട്ടാണെങ്കിലും
നിന്നിലേക്ക്‌ നോക്കുമ്പോള്‍
ഞാന്‍ വളരെ ചെറുതാണെങ്കിലും
നീയെന്നെ വലുതായിത്തന്നെയാണല്ലോ
കണ്ടിരുന്നത്‌......
അവസാനം .....
ഒരൊറ്റ സൂചിമുനയാല്‍
ഞാന്‍ നിനക്കുചുറ്റും
ഇരുട്ടിന്റെ മായാലോകം തീര്‍ത്തപ്പോള്‍
എന്തു കൊണ്ടാണ്
ഞാന്‍ നിന്നില്‍
എന്നെ കാണാഞ്ഞത് ....?
ആര്യകൃഷ്ണ.ആര്‍
പി.സി.എന്‍.ജി.എച്ച്.എസ്.എസ്.
മൂക്കുതല

ആരാണത്...?

ഇരുള്‍ വീണ ഇടവഴിയില്‍
കാതോര്‍ത്തപ്പോള്‍ കേട്ടൂ
ആരോ തലതല്ലിക്കരയും നാദം
ചിതറിത്തെറിച്ച സ്വപ്നമാകാം
ആരോ കൈവിട്ട മോഹമാവാം
ഗതികിട്ടാതലയും മനസ്സാകാം
ആരോ തേന്‍ നുകര്‍ന്നിട്ട പൂവാകാം
ഇണ വിട്ടിട്ടു പോയ കിളിയാകാം
അതോ എന്റെ പിണങ്ങുന്ന മനസ്സാണോ ...?
ഗോപിക.കെ
എ.യു.പി.എസ്.നെല്ലിശ്ശേരി

എല്ലുകള്‍

ചിത കത്തിത്തീര്‍ന്നു വെറും കനലായി
ഉണ്ണി ഒന്നു കൂടി അങ്ങോട്ടോടി ....
തന്റെ അമ്മൂമ്മ ഇപ്പോള്‍
അവിടെ തന്നെയുണ്ടോ ?
ഇതിന് മുന്‍പ്‌ എത്രയോ തവണ
പോയി നോക്കിയതാണ്
അപ്പോഴൊക്കെ നിരാശയോടെയാണ് മടങ്ങിയത് .
ഇല്ല അവിടെയെങ്ങും അമ്മൂമ്മയില്ല ...
ശോഷിച്ച കുറച്ചു എല്ലുകള്‍ മാത്രം ബാക്കി......
ദുഷ്ടനായ തീ അമ്മൂമ്മയെ മുഴുവനായും
വിഴുങ്ങിയിരിക്കുന്നു....
ഉണ്ണി തീയെ പഴിച്ചു
ഒപ്പം വിതുമ്മിക്കരഞ്ഞു ......

ഗോപിക.വി
7th std
എ.യു.പി.എസ്.നെല്ലിശ്ശേരി



Saturday, March 14, 2009

പെയ്തൊഴിയാതെ

പുറത്ത് മഴ പെയ്യാന്‍ തുടങ്ങിയിരുന്നു ....
അയാള്‍ ജാലകം മലര്‍ക്കെ തുറന്നു
ഓര്‍മയില്‍ തെളിയുകയായി
പെയ്തൊഴിഞ്ഞ സ്നേഹ കാലം
ചേമ്പിലയില്‍ നിന്നുതിര്‍ന്ന വെള്ളത്തുള്ളിയും
ഇറവെളളത്തിലൊഴുക്കിയ കടലാസ് വഞ്ചിയും
ചിതയിലെരിഞ്ഞ അമ്മിഞ്ഞപ്പാലിന്‍ മധുരവും
അയാളെ കണ്ണീരാല്‍് നനയിച്ചു ....
ആ മാറിലെ ചൂടും ചുടു ചുംബനങളുംമനസ്സിലെക്കൂത്താലടിച്ചു.....
പെയ്തോഴിയത്തതെന്തോ തങ്ങി നിന്ന ആ നിശ്ചല മുഖം
ഓര്‍ത്തയാള്‍ നിശ്വസിച്ചു.
മഴ പുറത്തു ഭീകര നൃത്തമാടാന്‍് തുടങ്ങി
ഓര്‍മകള്‍ക്ക് നേരെ അയാള്‍ ജാലകം കൊട്ടിയടച്ചു .......

ഗോപിക.കെ
7th std.
എ.യു.പി.എസ്.നെല്ലിശ്ശേരി

Wednesday, March 4, 2009

എഴുത്തുകൂട്ടം വായനക്കൂട്ടം

ബി.ആര്‍സി തല എഴുത്തുകൂട്ടം വായനക്കൂട്ടം ക്യാമ്പ് മാര്‍ച്ച് പതിനാലിനും പതിനഞ്ചിനും നടക്കുന്നു .ഓരോ പഞ്ചായതില്‍നിന്നും മികച്ച എട്ടു കുട്ടികളെ പങ്കെടുപ്പിക്കുക